წინამდებარე წესები და პირობები არეგულირებს სამართლებრივ ურთიერთობას შპს „ჰელფ.ჯი“-ს (შემდგომში „კომპანია“) და მგზავრს (შემდგომში „მგზავრი“) შორის. წინამდებარე წესების და პირობების გაცნობის და თანხმობის საფუძველზე, მხარეები ადასტურებენ ქვემოთ მოცემულ პირობებს:

• მგზავრი, მინდობილობის საფუძველზე ანიჭებს სრულ და ექსკლუზიურ უფლებამოსილებას კომპანიას, რომ მგზავრის სახელით, მგზავრის მომსახურე ავიახაზებისგან (შემდგომში „ავიახაზები“) მოითხოვოს საერთაშორისო და ადგილობრივი კანონმდებლობით დადგენილი კომპენსაცია და კანონით დადგენილი სხვა უფლებების აღდგენა, რაც გამოიხატება მგზავრის უფლებების დაცვით სასამართლოში და სხვა კერძო თუ ადმინისტრაციულ ორგანოებში.

• მომსახურების სანაცვლოდ, მგზავრი უხდის კომპანიას გაწეული მომსახურების საფასურს. კომპანიის მომსახურების საფასურს წარმოადგენს ავიაკომპანიის მიერ ანაზღაურებული/ჩარიცხული თანხის 30%, რომელსაც კომპანია დააკავებს ავიაკომპანიის მიერ თანხის გადმორიცხვისთანავე.

• იმ შემთხვევაში, თუ ავიაკომპანიამ განახორციელა კომპენსაციის თანხის პირდაპირ მგზავრის ანგარიშზე ჩარიცხვა, მგზავრი ვალდებულია 2 საბანკო დღის ვადაში უნაღდო ანგარისშწორების გზით გადაუხადოს კომპანიას ზემოაღნიშნული მომსახურების საფასური (მათ შორის: დამკვეთის მიერ გაწეული და ავიახაზების სასტუმროს, აეროპორტამდე და აეროპორტში მგზავრობის, საკვების, უკან დასაბრუნებელი ბილეთის და სხვა ხარჯები, ასევე მგზავრისთვის ანაზღაურებული ზიანის, მათ შორის ბარგის და პირადი ნივთების დაზიანებით გამოწვეული ზიანის ანაზღაურების სახით მიღებული სრული თანხის 30%, გადარიცხვის დღეს საქართველოს ეროვნული ბანკის მიერ დადგენილი ოფიციალური გაცვლითი კურსის შესაბამისად. მგზავრის მიერ მოცემულ ვადაში მომსახურების თანხის არ გადახდის შემთხვევაში, მგზავრს ეკისრება ვალდებულება დამატებით გადაუხადოს პირგასამტეხლოს სახით კომპანიას გადასახდელი თანხის 2%, ყოველ ვადაგადაცილებულ დღეზე.

• მგზავრი აცხადებს თანხმობას და უფლებამოსილებას ანიჭებს კომპანიას, რომ ავიაკომპანიის მიერ გადახდილი კომპენსაცია ჩაირიცხოს პირდაპირ კომპანიის საბანკო ანგარიშზე. კომპანია ვალდებულია კომპენსაცია, მომსახურების საფასურის გამოკლებით (რაც მოიცავს და ითვალისწინებს ასევე დამატებით ხარჯებს რომელიც გაწერილია წინამდებარე დოკუმენტში ასეთის არსებობის შემთხვევაში), გონივრულ ვადაში გადარიცხოს მგზავრის საბანკო ანგარიშზე. წინამდებარე პუნქტით გათვალისწინებული თანხის ჩარიცხვას კომპანია განახორციელებს ეროვნულ ვალუტაში, გადარიცხვის დროს კომპანიის მომსახურე ბანკის მიერ დადგენილი კურსით.

• მგზავრი ვალდებულია მიაწოდოს კომპანიას სრულყოფილი და სწორი წერილობითი თუ ზეპირი ინფორმაცია და დოკუმენტაცია, რომლის საფუძველზეც კომპანია იწყებს საქმის წარმოებას და კომუნიკაციას ავიახაზებთან. ავიახაზთან კონსენსუსის მიუღწევლობის შემთხვევაში, ყოველი კონკრეტული გარემოებიდან გამომდინარე, კომპანია დამოუკიდებლად იღებს გადაწყვეტილებას საქმის სასამართლოში თუ სხვა ადმინისტრაციულ ორგანოში განსახილველად გაგზავნაზე და დამატებითი ხარჯის (სასამართლო, არბიტრაჟი, აღსრულება, ნოტარიუსი, ფოსტა და სხვა) წარმოშობის შემთხვევაში, აღნიშნული დაიფარება მომსახურების საფასურთან ერთად, მას შემდეგ რაც ავიაკომპანიის მიერ ანაზღაურდება კომპენსაცია.

• საქმის წარმოების პროცესში, კომპანიას აქვს სრული უფლება, თავისი შეხედულებისამებრ დამოუკიდებლად დაიქირაოს მესამე პირი (ქვეკონტრაქტორი, იურისტი, ადვოკატი), რაც არ საჭიროებს მგზავრის თანხმობას თუ მოწონებას. სასამართლოში საქმის წარმართვისას კომპანია უფლებამოსილია დათანხმდეს საქმის მორიგებით დასრულებაზე, გარდა იმ შემთხვევებისა როდესაც ავიაზხაზები მგზავრს სთავაზობს მოთხოვნილი კომპენსაციის 50% ან ნაკლებს, რა შემთხვევაშიც კომპანია ვალდებულია მიიღოს მგზავრის თანხმობა. საქმის მორიგებით დასრულების შემთხვევაში კომპენსაციას გამოაკლდება სასამართლო ხარჯები, გარდა იმ შემთხვევისა, როდესაც ხარჯების ანაზღაურება ეკისრება ავიახაზს. მხარეთა შეთანხმების საფუძველზე, მხარეებმა შეიძლება თანაბარი პროპორციულობით წინასწარ გასწიონ სასამართლო დავასთან დაკავშირებული ხარჯები, ხოლო საქმის წარუმატებლად დასრულების შემთხვევაში, ასევე თანაბრად გაიყონ ყველა ის ხარჯი, რაც სასამართლო გადაწყვეტილებით იქნება დადგენილი.

• მგზავრი იღებს ვალდებულებას, რომ შეუქმნის ყველა აუცილებელ პირობას კომპანიას მის მიერ საქმის წარმოების პროცესის სრულყოფილად და ხარისხიანად განხორციელებაში. მიაწვდის ყველა და აუცილებელ დოკუმენტაციას, ინფორმაციას, რომ კომპანიამ სრულყოფილად განახორციელოს მგზავრის უფლებების დაცვა ავიაკომპანიასთან ურთიერთობაში.

• მგზავრი იღებს ვალდებულებას, რომ პარალელურ რეჟიმში არ აწარმოებს მოლაპარაკებებს უშუალოდ ავიაკომპანიასთან და არ იღებს მომსახურებას მესამე პირებისგან მოცემულ საკითხთან დაკავშირებით კომპანიის გვერდის ავლით, არ დაუთმია მოთხოვნა მესამე პირების სასარგებლოდ და ადასტურებს, რომ მხოლოდ კომპანია ექსკლუზიურად წარმოადგენს და დაიცავს მის უფლებებს ავიაკომპანიასთან ურთიერთობაში.

• მგზავრი ვალდებულია დაუყოვნებლივ წერილობითი ფორმით აცნობოს კომპანიას, ავიახაზის მიერ მისთვის პირდაპირ კომპენსაციის მიღების შემთხვევაში და წინამდებარე წესების და პირობების შესაბამისად განახორციელოს კომპანიის ანგარიშზე გაწეული მომსახურების საფასურის სრულად გადახდა.

• მგზავრი ვალდებულია დაუყოვნებლივ მიაწოდოს კომპანიას ნებისმიერი სახის ინფორმაცია, რაც მისთვის გახდა ან გახდება ცნობილი მოცემულ საკითხთან დაკავშირებით, მათ შორის კომპანიისთვის მოწოდებული ნებისმიერი ინფორმაციის (მათ შორის პირადი მონაცემები) ცვლილებასთან დაკავშირებით.

• მგზავრის მიერ ზემოხსენებული მონაცემების კომპანიისთვის არასწორად მოწოდების შემთხვევაში, მომსახურების საფასურთან ერთად, დამატებით დაეკისრება კომპანიის სასარგებლოდ პირგასამტეხლოს სახით მთლიანი საკომპენსაციო თანხის 20%-ის გადახდა.

• მგზავრი ვალდებულია სრულად აუნაზღაუროს კომპანიას ზიანი, დანაკარგი, დანაკლისი ან ხარჯი, მათ შორის იურისტის მომსახურების და სასამართლოში საქმის წარმოების ხარჯები, რომელიც კომპანიას მიადგა მგზავრის მიერ წინამდებარე პირობების დარღვევის შედეგად.

• კომპანია წინასწარ არ იძლევა რაიმე სახის გარანტიას, რომ მგზავრი მიიღებს კომპენსაციას ავიაკომპანიისგან. მხარეები თანხმდებიან, რომ მიუღებელი კომპენსაციის სანაცვლოდ კომპანიას არ შეიძლება დაეკისროს მგზავრის სასარგებლოდ რაიმე სახის ზიანის, კომპენსაციისა და ანაზღაურების გადახდის ვალდებულება. ამასთან კომპანია არ აკისრებს მგზავრს მომსახურების საფასურის გადახდას, იმ შემთხვევაში, თუ მგზავრმა კომპენსაცია ვერ მიიღო.

• მგზავრი თანახმაა და „პერსონალურ მონაცემთა დაცვის შესახებ“ საქართველოს კანონის თანახმად, უფლებას აძლევს კომპანიას, რომ კომპანიამ შეინახოს და დაამუშაოს მგზავრის შესახებ პირადი ინფორმაცია, მათ შორის მგზავრის კანონიერი ინტერესების სასამართლო, ადმინისტრაციულ და საარბიტრაჟო სასამართლოში დასაცავად, ასევე საჭიროების შემთხვევაში მესამე პირებს გადასცეს მგზავრის პირადი მონაცემები. კომპანია აცხადებს, რომ არ გაამჟღავნებს მგზავრის პირად მონაცემებს, თუ ეს საჭირო არ არის ამ პირობების შესრულებისთვის ან/და მგზავრის უფლებების დასაცავად. წინამდებარე პირობებზე თანხმობის ელექტრონულად მონიშვნით/აღიარებით, მგზავრი ადასტურებს, რომ მგზავრის ინტერესებიდან გამომდინარე, კომპანიის მიერ როგორც მგზავრის არაიდენტიფიცერაბადი და არაპერსონალური, ასევე პერსონალური ინფორმაციის მიწოდება მესამე პირებზე არ ჩაითვლება „პერსონალურ მონაცემთა დაცვის შესახებ“ საქართველოს კანონის და კონფიდენციალური ვალდებულების დარღვევად.

• მგზავრი უფლებას აძლევს კომპანიას, რომ კომპანიამ სამომავლოდ შესთავაზოს მგზავრს სხვადასხვა სახის მომსახურების გაწევა და მიაწოდოს გზავრს სხვადასხვა სახის ინფორმაცია.

• წინამდებარე პირობები, უფლება-მოვალეობები მხარეთათვის ძალაში შედის მგზავრის მიერ ამ პირობებზე დათანხმების და მის მიერ მინდობილობის ხელმოწერისთანავე და მოქმედებს მხრეთა მიერ ამ პირობებით და მინდობილობით ნაკისრი ვალდებულებების სრულად და ჯეროვნად შესრულებმადე.

• მგზავრს არ აქვს უფლება ცალმხრივად ვადამდე მოითხოვოს საქმის წარმოების შეწყვეტა, მას შემდეგ რაც კომპანიის მიერ გადაგზავნილ იქნება ავიაკომპანიაში კომპენსაციის მოთხოვნის შესახებ განაცხადი.

• მხარეთა შორის წარმოშობილი ნებისმიერი სახის უთანხმოება გადაწყდება მოლაპარაკების გზით. კონსენსუსის მიუღწევლობის შემთხვევაში, საქართველოს კანონმდებლობის თანახმად, განმცხადებელი (მოსარჩელე) მხარის გადაწყვეტილებით დავას განიხილავს სასამართლო ან მუდმივმოქმედი არბიტრაჟი ერთი არბიტრის მონაწილეობით, საქართველო, თბილისი.

როგორი იყო თქვენი თავდაპირველი მარშრუტი?

გქონდათ თუ არა გადაჯდომა?